民監署檔案1808148（兩匪首不除不得 國症毒瘤更不能再度擴散 五腑已爛疾難醫 六臟俱全港人何須懼無藥）不怕腑爛知識靈藥 五毒自消國泰民安
釋兩匪:一匪鄭月娥政禍特首辦;二匪梁君彥蠻橫立法會。五毒簡解:1危害國家安全胃症;2破壞祖國統一心症;3國旗歌立法皮膚症;4台港藏疆獨眼症;5條例社團法癲症。事實診斷：此稱政治五大毒症的體檢報告,此毒非毒獨無獨。沒有憲法稱疆毒,有憲法屬自治界獨。沒有佛法稱藏毒,有佛法屬佛地獨。沒有政法稱臺毒,有政法屬先獨。沒有基本法稱港毒,有基本法屬憲策獨。沒有能力稱五毒,有能稱選聖賢德治尊獨。
兩匪不除禍港無窮。五毒不識禍國殃民。危害國家安全朝廷高官方為可效,非港人咒能成就。破壞祖國統一涉統治政綱所至,關四地民眾何干？國旗歌立法本涉自欺欺人，此稱霸橫刁政。台港藏疆獨本己有法憲指定，是政無道自亂號稱。條例社團法明文規定,有何理由蠻屈民權。事實排在眼前此乃政治迫害，港府政權成偽必須追究責任,民監署職責範圍內的工作、豈能視若無睹嗎？就事實上,香港政權成國賊的通天麻袋作用、任由拉攏,以自是、自非、自毀憲政,而侵犯、剝奪港地的本能可為自治繁榮能力成一無可效！
2018/8/6-19:49立場訊突然間對林鄭泛起一點點的同情！ 冇計啦，佢可能為咗個仔嘅前途、可能為咗自己嘅名聲與權位、也可能為咗自己虛榮嘅自尊。特首喎！仲係第一個女特首喎！777
票「高票」當選喎！佢「咁打得」、咁「善於搞政策」、咁「熟悉政府嘅運作」、自己感覺咁良好、又得到神嘅諭示，有乜辦法唔匍匐於這個咁大嘅誘惑！ 做人做到咁，真係冇晒尊嚴，佢其實已經自閹到好深。一年下來，真係越閹越深，深到入肉見骨。堂堂天子門生，港英體制下的管治精英，搞到如斯田地，其實都可算是幾折墮。 《大公》咁講？依家代表佢阿爺的喉舌擺明唔滿意喎！唔夠皮喎！依家佢嘅前度擺明無面俾，要踹落佢睇個場喎！ 權力就如春藥，但係特區阿一這個位，分到入口嘅只係過期偉哥。但對於不受監管，喜歡為所欲為、慣於隨心所欲的北京當局及以為上了神枱的梁振英之流，佢一年多來嘅順從及久不久嘅自動獻身，已經挑動起更難抑制的權力欲望。睇嚟未來幾年，佢嘅日子唔會好過。所以突然間對佢產生一點點嘅憐憫！ 但係認真諗落，佢真係唔抵可憐。除非北京真係挾持佢老公同個仔做人質夾佢上位，否則牛唔飲水點㩒得牛頭低，食得鹹魚就要抵得渴。全部都只係自己攞嚟，唔抵可憐。而且，過去一年佢咁搞法，態度上係歷任特首最鵪鶉、最擦鞋、最主動做奴婢，只係無佢前度咁下流、咁無恥、賣相咁差。佢咁樣做特首，其實即係將香港及香港人變成人質，變成佢嘅陪嫁妹仔，隨時要俾人一齊推入新房、抬上大床。誤港誤人，莫過於此！咁樣做特首，佢直頭係累死香港。佢其實絕對唔抵可憐！
2018/8/6-18:53立場訊 咁簡單的道理，講出來是要侮辱誰的智慧？ 幾時開始，請某個人演講，就係表明完全接受他那一套的？如果係咁，重使乜請佢返嚟講，自說自話就可以了，所有交流，所有溝通都沒有必要了。 咁基本、咁簡單嘅道理，可能剩係得梁振英及林鄭月娥之流先至會扮唔明白，他們其實只是想乘機搏懵。當然還有那個所謂外交部，全部都只係混水摸魚。他們都只是想用盡每一個機會製造話題、製造事端，目的就係要打壓香港人的言論自由、打擊新聞自由、破壞香港的法治。 請個陳浩天去解說一下佢心目中咩叫做香港民族論，就係提供一個平台俾佢宣揚港獨？乜咁抬舉佢。日日電台電視台都播住話國家發展前景光明、又話民族復興，如果咁簡單，仲駛乜咁在意搞唔搞國民教育？仲有人會唔愛國？又話侵侵遲早跪低、又講到共產黨幾咁永遠正確，林鄭月娥又用盡每個機會擦鞋，講到習近平咁英明神武，又唔見習總及其他京官夠膽唔使保安行入旺角？仲使用成隊近身護衛圍住，又要將啲示威者隔開三公里？ 依家那些官員，建制派議員及黨派，及一眾挨住個權力體制搵食搵位搵著數嘅人，佔用了幾多公共空間？電台的大氣電波時段已經越來越多被這類人或組織佔用，報紙的評論，有幾多不是建制派的？外國記者會當然有搵民主派去午餐演講，但相對而言，搵官員搵建制派搵那些精英階層的次數更多。搵到陳浩天這些人物，真係偶然到好偶然。而且，主要是因為政府要搵民族黨去開刀，才令陳浩天的新聞價值突然急升。 今天，香港公共機構的管理層、各級諮詢委員會、法定組織的成員，絕大部份的其實都係建制派，點解又唔見得香港人個個都相信「一國兩制港人治港」真係好成功咁落實到？俾民族黨講多幾次乜叫香港民族論，香港人就真係個個都會支持港獨？這種言論是太過睇得起陳浩天，還是政府根本也睇唔起自己，又或者是政府當香港人個個都係傻仔？ 其實都幾矛盾，一方面就以為人多疊馬就可以壓倒少數，可以把歪理變成真理，可以把謬誤變成事實。但另一方面，一個蚊型過蚊型嘅組織，就可以被描繪成為洪水猛獸，講到俾佢噎多一句，就話會推冧成個太平山。
一個亳無理念、完全無認受性的政府，就只能用同一個理念或同一套邏輯來作雙反雙矛盾的解釋。只有嗰啲冇思辨能力的，才會被這一套盲官黑帝的邏輯迷惑；只有那些用個 pat
pat 來當腦袋的人，才會甘心情願作建制派的打手及五毛。呼應這種思維方式來喊打喊剎的，無論是大學校長也好，所謂專業精英也好，尊貴的議員也好，其實全部都是博亂尋租的政治投機份子。 說到底，港獨這個平台是誰製造出來的？還不是梁振英！製造出來之目的，就是要豎立一個政治稻草人，利用港獨作為破壞一國兩制港人治港的切入點。香港政府及北京當局，以至梁振英這一流人，用這一招已經用得太濫，仲可以呃到邊個？ 外國記者會竟然給出一個這樣根本唔使講個個都知的道理作回應，驟眼看似是有辱外國記者會及所有還懂得用腦的人的智慧。照計這個會冇可能咁低水平。不過小心玩味就不難明白，這樣的回應，就如同懶係煞有介事咁強調你阿媽係女人，真正的作用不是要解釋或尋求諒解，而是要侮辱一下梁振英林鄭月娥這幫人的那一種獨特智慧，說明這幫人有幾無聊，其實可能都是幾高招的！原刊於作者
Facebook07/08/2018
沒有留言:
張貼留言