943民監署檔案1909193(不做奴隸港人誓衛港土 赤心甘願義務守城 果敢心聲歌韻一喧動天 還我山河寸地不棄）聲血淚汗具備成盾矛 護港府政權民權責任
宇宙上沒有等待不到的天明,自然的大地天生萬物各自自由努力,可能的存在機遇和發展潛能力量;此乃大地的許可也是上天的眷顧。當然,香港土地上也再不會受邪惡怪象的影響和破壞及侵擾,香港人的努力,自在天然的先天條件何堪刮目相看？合法的權利,許可的法度,本應的憲政進行何來不可？祇有天長地久的山河城土,沒有久留的權政霸道,也沒有惡行的偽政囂橫野蠻,更沒有讓非法政權任意出賣求榮。古曰:天地在河山存,日月明陰陽分,萬物自生萬物自制萬物所承各有千秋。香港天地也不例外,世界當自許可港人的努力進取自決未來天地繁榮！
引用文章【專訪】「香港之歌」誕生？《願榮光歸香港》創作人:音樂是凝聚人心最強武器
黎明來到要光復 這香港同行兒女 為正義時代革命 祈求民主與自由 萬世都不朽
我願榮光歸香港
在晚星墜落徬徨午夜迷霧裡 最遠處吹來號角聲 捍自由來齊集這裡來全力抗對 勇氣智慧也永不滅 何以這恐懼抹不走 何以為信念從沒退後 何解血在流但邁進聲響透建自由光輝香港
何以這土地淚再流 何以令眾人亦憤恨 昂首拒默沉吶喊聲響透 盼自由歸於這裡2019/9/10-22:31立場訊:緊扣人心,官員看不懂的人鏈 就算唔同意他們的訴求,但人鏈這一種表達方式,就好似連儂牆一樣,都沒有傷害到任何人,都是和平的表達方式,也沒有破壞任何嘢。但那些藍絲、親建制親政權嘅盲毛、甚至包括部份休班警員,都係要用暴力、要靠惡,要用搗毀、打人、甚至斬人等等手段作反應。令人十分厭惡兼反感。 幾個月下來,針對人、以傷人為目的嘅暴力,主要都是來自那班所謂親建制力量。好像沒有見過示威者攞刀斬人,冇見過示威者出𠝹刀,冇見過示威者主動𢲡棍以朴濕對家為目的！ 點解支持建制的、支持政府的、支持中共的,總係會與黑幫、江湖勢力、暗黑勢力,甚至與中共官員口中所謂的「正義的愛國力量」(大家明係乜)撈埋一碟？到依家,就連應該維持治安、保護市民的警察,也變成了只有共幹高官才會「致崇高敬意」的警隊,但就日日畀人鬧係「黑警」及「黑社會」,去到邊度都俾人趕,入到茶餐廳就俾人問係咪要食Dog餐,這究竟反映了什麼問題？政府究竟識唔識檢討一下？香港那些警察究竟仲有冇反省能力？特首、政務司長及其他官員鸚鵡學舌,說支持警察「止暴制亂」的時候,知唔知道自己講緊乜嘢？是否有能力認清楚,最傷害香港的「暴」來自那裏？「亂」又是由何造成？ 相對而言,那些日日俾警察追打的年輕人及示威者,卻顯得可愛得多。所以,依家你話叫和理非同示威者割蓆？要真正「止暴」及「制亂」,特區政府及北京當局,應該首先要有「周處除三害」的精神！與其想和理非跟勇武割𥱊,不如政府先跟「暴政」及「警暴」先割𥱊啦！ 老實講,我對於破壞地鐵這種做法,其實真係好有保留,我亦唔覺得需要衝擊警察宿舍。我old school,始終認為盡量唔應該主動以暴力手段作表達,破壞公物亦只會流失支持,其實亦唔覺得有必要咁做。何必為政府提供籌碼？有關這些衝擊動作的片段日日在大陸啲傳媒及微博上傳來傳去,對爭取擴大支持基礎真的弊多利少。 一旦被拘捕,也有可能面對長遠影響。我為此感到不值。我亦好擔心示威者以勇武的手段作回應會受到那些畜牲,藍絲、黑幫及暴警傷害(這幾類人真係要𢲡埋來講,佢哋都係同一類貨色)。 但到了今時今日,日日見到啲警察不守紀律、不守法、不守警察通例,打完人唔需要負任何後果,施暴完全唔需要負上法律責任。打嘅時候就當正啲中學生、青年人係殺父仇人。以為警察大晒,其實啲態度同行為重惡劣過爛仔。政府竟然對如此的警暴行為不發一言,仲要日日開個「警謊」記者會來公開展示所謂執法者有幾虛偽無恥兼且污糟邋遢。真係睇到都十分氣憤兼且不齒。 咁多香港人舉住美國國旗去到美國領事館，原來唔係抗議美國佬做咗啲乜嘢！係要求美國佬做啲嘢去懲罰自己嘅政府！真係充滿黑色幽默！美國領事館喺邊度都預咗俾人衝擊㗎啦！係喺香港先至會咁受歡迎。如此局面，邊個造成？環球時報懶有型,比喻話係啲「雞仔走去搵黃鼠狼」保護！佢知唔知在香港人心目中，如果美國真係黃鼠狼，中共就係豺狼，而特區政府就係同隻豺狼「狼狽為奸」嗰隻走獸！其實應該首先檢討下自己點解咁趕客！ 今朝七點幾,揸車去到佐敦道拔萃女校一帶,已經一條長長嘅人鏈,轉入覺士道一直去到柯士甸道口,都係十幾歲至二十多歲嘅年輕人,其實真係好感動。 睇到咁多中學生走出嚟,只係用咁溫和、和平嘅方式來表達佢哋嘅訴求,其實就算唔同意訴求本身,都應該予以肯定。對於年輕一代主動積極咁表達自己嘅想法,任何為人師長、長輩、父母、甚至官員，都應該為年輕一代有咁嘅主動性及積極性而感到欣慰。有乜人會希望自己嘅下一代全部都變鵪鶉？ 一早起身,做啲咁嘅嘢為乜？只係表達,要傳遞一個訊息。如果啲政府官員,大人,繼續詐睇唔到,都冇乜辦法。但點解要搵嘢掟傷佢哋？點解要攞𠝹刀出嚟追殺佢哋？跌咗良心嘅都唔止係警察！今時今日香港地,跌咗良心嘅人真係比想像中多。 幸好在這些學子身上,在年輕人身上,我仍然見到希望。 如果要割𥱊,我首先就同政府及這樣的警察割𥱊。其實有時我諗,如果我在當場,我可能都會忍唔住郁手還拖。如果我個仔當差做到咁,我即刻同佢脫離父子關係。咁樣嘅政府,仲叫我支持？咁嘅所謂「撤回」,林鄭月娥話希望可以令中間派收貨,不再支持示威者。佢真係離地到就嚟升上月球同月中嫦娥相認。就快中秋,真係求下你唔好影響佢嘅形象！以為會有好多中間派會收貨？以為咁就可以收買到和理非？政府真係妄想！ 想市民與示威者割𥱊？政府知唔知道除咗中學生呢條人鏈之外,香港人已經形成咗一條打10號風球都打唔斷嘅無形人鏈,把人心緊扣在一起了！12092019
沒有留言:
張貼留言